لماذا نأكل البلح والجوافة فى عيد النيروز؟

عيد النيروز ده عيد الشهداء اللى بنحتفل بيهم فى هذه الأيام, وفى المناسبة دى طبعاً عارفين بناكل إيـــه؟؟ البلح الأحمر. طيب مفكرتوش إشمعنا البلح الأحمر بالذات.. تعالوا نعرف ليه بلح أحمر أولاً لأن القشرة من بره لونها احمر لون الدم و دى بترمز لدم الشهداء اللى سال دمهم ثانيــــــــاً قلب البلحة ابيض ناصع وكله حلاوة ويدل على نقاء قلب الشهداء يعنى قلبه كان طيب خالص وبيحبوا ربنا قوى ومش بيزعلوا حد ثالثــــــــــاً آخر حاجة النواة بتاعة البلحة دى بترمز لصلابة إيمان الشهداء يعنى إيمانهم كان قوووووى ومحبتهم لربنا كانت قوية الجوافـــــــة أما الجوافة بقى إذا قطعت بطريقة دائرية ظهر صليب من البذار علي كل قطعة نقطعها ، والصليب يرمز إلي الألم الذي احتمله الشهداء .كمان قلبها ابيض قلب الشهداء الابيض الجميل الذين سفكوا دمائهم من اجل المسيح يسوع واستحملوا الالام وبذورها كثيرة رمز لعدد الشهداء الكثير اللى استشهدوا على اسم المسيح و استحملوا الالم و فعلا الكنيسة بنيت على دماء الشهداء كل سنة وانتم طيبين