رئيس قناة السويس عن قيمة تعويضات «إيفرجيفن»: «خلينا ننسى موضوع الرقم»

نفى الفريق أسامة ربيع، رئيس هيئة قناة السويس، أنَّ تكون قيمة تعويضات السفينة الجانحة «إيفرجيفن» وصلت إلى 550 مليون دولار، قائلًا: «أنا مصرحتش بكدة، احنا مضينا على وثيقة، وخلاص الموضوع خلص، وننسى موضوع الرقم، واحنا جبنا حقنا والتعويضات بتاعتنا للهيئة، وحافظنا على شركائنا ونبص على اللي حصل في الستة أيام والمجهود اللي حصل وبذل واللي العالم بيشيد به لحد دلوقتي».

جاء ذلك في معرض رد الفريق ربيع على أسئلة الصحفيين بالمؤتمر الصحفي المنقعد اليوم الأربعاء، حول توقيع عقد اتفاق التسوية بين الهيئة والشركة المالكة لسفينة «إيفرجيفن»، أنَّ سفراء دول العالم في مصر وجهوا رسالة شكر للهيئة على هذا الجهد، نظرًا لتأثير إغلاق قناة السويس على الاقتصاد العالمي لمدة 6 أيام، ما تتسبب في حدوث مشكلة لهم، متابعًا «لحد دلوقتي وكالات الأنباء العالمية والجرايد بيجوا يشكرونا على الإنجاز الصعب اللي تم، وكان بالنسبة لهم مستحيل لقدراتنا بس، كان الكل مستني هنطلب من مين، والحمد لله احنا مطلبناش حاجة، ودي عملية إنقاذ معقدة مش بسيطة».

وأكّد رئيس هيئة قناة السويس، أنَّ الشركة ستدفع التعويضات دفعة واحدة، مبينًا أنَّه جرى الحصول على الجزء الأكبر، وخلال الشهر الجاري سيتمّ الحصول على الجزء الثاني «دي متعتبرش دفعات».