اختفاء مريانا مهنى من قرية مسارة ديروط ام ل4 اطفال .. وذهب زوجها لتقديم بلاغ تغيبها فحجز بسجن المركز.؟ومطالبات بالتحقيق واعادتها لاسرتها

دي بنت اسمها مريانا مهني من مواليد أحدي قري محافظة قنا ، مريانا اتجوزت من حوالي ١٠ سنين وأستقرت مع جوزها في محل سكنه اللي موجود في قرية مسارة مركز ديروط بمحافظة أسيوط مريانا عندها ٤ اطفال أكبرهم ٧ سنين وأصغرهم ٧ شهور ، الحكاية بدءت من ٣ أيام لما نزلت من بيتها ولحد انهارده مرجعتش وتلفونها مقفول وجوزها وأهلها ميعرفوش عنها حاجة ، وبعد يوم من اختفائها ومع صراخ وبكاء أطفالها الجوز راح مركز الشرطة علشان يعمل محضر تغيب وده اجراء قانوني علشان تبدء الشرطة تحقق ف الموضوع ، لكن مع الأسف مركز الشرطة حجز جوزها داخل ( سجن المركز ) حتي الآن بدون أبداء أي أسباب . مش هنتكلم عن أسباب أختفائها ولا هل الموضوع طائفي ولا جنائي ، بس هنتكلم ف جزئية أننا بنطالب وزارة الداخلية ورجال الشرطة في سرعة التحرك والتحقيق في الواقعة للكشف عن الحقيقة ، حتي لا يتمكن المغيبين والمتربصين من أستغلال الموقف وتحويله لأزمة وفتنة داخل القرية ..

منقول