عاجل : الانبا دافيد اسقف نيويورك فى بث تلفزيونى: قداس عيد الميلاد 29 كيهك..وقداس تذكار عيد الميلاد فى 25 ديسمبر ..وماقلناش العيد يدين وعيد الميلاد لم ولن يتغير وقداسة البابا ومطارنة واساقفة الكنيسة بخيرمخلصين جدا للكنيسة و طقوسها و لا يمكن ابداً ابداً ان نفرط فى إيمان الكنيسة .

توضيح الانبا دافيد اسقف نيويورك وولايات نيوانجلند بخصوص احتفال الكنيسة بعيد الميلاد يوم 25 ديسمبر

توضيح الانبا دافيد اسقف نيويورك وولايات نيوانجلند بخصوص احتفال الكنيسة بعيد الميلاد يوم 25 ديسمبر … النهاردة الوضع بتاعنا ايه .. احنا خرجنا من مصر كأقباط و انتشرنا فى العالم فلقينا نفسنا فى مجتمع بيعيد فى يوم 25 ديسمبرغريغورى اللى هو بالنسبة لنا فرق 13 يوم مش كده و بيعتبر ده عيد الميلاد و العطلة الرسمية لعيد الميلاد فأبتدات الكنيسة خارج مصر يعنى تنتبه ان ده يوم مهم فى البلاد ده و يا ترى ككنيسة دورنا ايه ؟ يعنى مثلا ادى لكم مثل تانى يوم 30 اكتوبر اللى هو #الهالوين انتبهنا ان ده يوم اولادنا بيخرجوا فيه قلنا طيب هل يليق باولادنا ان يشتركوا فى يوم زى ده طب نعمل لهم ايه ؟ الكنيسة أم تهتم بأولادها we react to the need of our people طيب نعمل ايه يوم 25 ككنيسة ؟ طبعا البلد هنا ما بتعترفش ب 7 يناير خالص ممكن فى المدارس ندى جواب نقول ده عيد الميلاد بتاعنا ولاولادنا علشان الناس تاخد اجازة فى الشغل .. هل نخليه يوم عادى نعمل سهرة كيهكية و قداس تانى يوم عادى .فصادفتنا مش تانية مشكلة الزواج المختلط Mixed marriage طرف ارثوذكسى و الطرف الثانى متعود ان 25 ده العيد بتاعه و ابتدينا نفكر يعنى ايه الحل ؟ عادى ده يبقى يوم عادى .. هل الكنيسة تعمل حاجة ؟ من ضمن الافكار اللى طرحت ان يوم 25 يكون تذكار لعيد الميلاد يعنى ايه اشرحها بقى .. احنا عندنا 10 شهور قبطية هو عندنا 12 بس 10 منها يوم 29 منها بيكون تذكار بشارة ميلاد قيامة مش عيد خدوا بالكم من التعبير مش عيد مش عيد بشارة ولا عيد ميلاد ولا عيد قيامة بنقول تذكار البشارة و الميلاد و القيامة طب بيتصلى ازاى بيتصلى فرايحى يوم 29 من الشهر القبطى و بيتقال فيه الحان ايه البشارة و الميلاد و القيامة مش كده فاهمين .فمن ضمن الافكار التى طرحت ليه ما يكونش فى تذكار اضافى لعيد الميلاد على التذكارات الموجودة already تذكار مش عيد .. فى ناس قالت ازاى نعيد بعيد الميلاد مرتين ما قلناش عيد يعنى هل لو اعتبرنا التذكار ده عيد يبقى حقول بقى بنعيد 10 مرات لعيد ميلاد المسيح لان له كل يوم 29 تذكار من الشهر القبطى. لو قلنا التذكار عيد يبقى عندنا 10 مرات عيد لا طبعا التذكار غير العيد .. احنا عندنا عيد ميلاد وحيد اللى هو ايه 29 كيهك ده عيد الميلاد وده لم و لن يتغير. عيد الميلاد عندنا 29 كيهك حسب تقويم الكنيسة القبطية فكل اللخبطة اللى انتم شايفنها و سامعين عنها دى حدث بسبب ايه ؟ يعنى فى سؤء فهم Misunderstanding Misunderstanding مش عيد خالص و عيدنا هو يوم 29 كيهك و فى كل العالم وامريكا هنا طبعاً وده لم و لن يتغير . احنا ممكن نفكر فى حلول و ممكن احنا ديما بنقول ايه لما الكنيسة بتقدم اى اقتراح بيكون متوقف على ال Reception الاستقبال استقبال الشعب . هل ده الحل المناسب حنشوف .. اقتراح و اقتراح مش ضد طقس الكنيسة ولا ضد عقيدة الكنيسة فى ضوء ما تم ايضاحه .لو تلاحظوا ان انا تقريباً ما استخدمتش الكتاب المقدس إلا فى حاجات نادرة جداً لأن دى مش عقيدة العقيدة ان المسيح اتولد دى عقيدة لكن التفاصيل دى تتفق عليه الكنيسة بحسب ما تراه.ارجو ان تكونوا فى هدوء و سلام ماتخافوش ابدا الكنيسة بخير و ابائها الاباء كل الاباء الاساقفة و الاباء المطارنة و على راسنا قداسة #البابا_تواضروس مخلصين جدا للكنيسة و طقوسها و لا يمكن ابداً ابداً ان نفرط فى إيمان الكنيسة .لمشاهدة الفيديو https://www.facebook.com/copticnetwork/videos/457578708291893/#الأنبا_دافيد #اسقف_نيويورك #تذكار مش #عيدربنا يسندك يا سيدنا #انبا_تواضروس Coptic News الإعلام القبطى​#انا_قبطى_عيد_الميلاد_٢٩_كيهك#انا_قبطي_عيدي_29_كيهك #٢٩كيهك ربنا يسندك يا ابى #البابا_تواضروس

Posted by ‎Coptic News الإعلام القبطى‎ on Saturday, December 14, 2019