من كاهن قبطى..هلك شعبى من عدم المعرفة ؟عارفين واحد بس عنده كورونا فى كنيسة ممكن يعمل ايه؟

خاص بمسيحيو مصر

حد كان يصدق من اباء ال كنيسة بكافة رتبها , ان احنا نمر بهذه الايام, وتغلق الكنائس ابوابها لاى سبب؟ لم يكن فى خيالى كاكاهن ولا فى خيال الاباء الاساقفة والمطارنة ولا اخوتى الشمامسة ولاحتى الشعب المسيحى هنا اوبره؟
الكنيسة تتقفل فاجأة ..ونتمنى ندخلها ولو لدقائق ونصلى ونتناول فيها؟ مش بس كده؟ بقينا نتمنى نخش نركع نصلى امام هيكلها  ونقبل ايقوناتها ..فيها لو للحظات؟
غضب الله المعلن على الكل ؟ لان الخطايا من الكل ؟
وزى مابيقول الكتاب المقدس ” هلك شعبى من عدم المعرفة”
فى كوريا مصلين فى كنيسة او مصلى واحد منهم عنده فيرس كورونا نقلوا الكورونا لكل كوريا الجنوبية
وفى فرنسا مصلين فى كنيسة انجيلية نشروا الكورونا فى فرنسا كلها
يا أبائي و إخوتي
لا تحزنوا
دخول الكنائس في إسبوع الآلام السنة دي يعتبر إنتحار
( من وجهة نظري )
و لما نجوز الآلام مع المسيح خارج المحلة سوف نقوم مع المسيح فرحين
لو قابلت واحد بس عطس جنبك ها تاخد دور برد
إمال لو واحد بس في الكنيسة عنده كورونا ها يعدي كام ؟؟؟؟
ممكن الكنيسة كلها
و ممكن الكنيسة كلها تنقل العدوى لآلاف و ممكن ملايين
هل حضرتك عندك تأكيد إن ربنا مش ها يسمح بالعدوى من خلال الجماهير و الزحام في الفترة من جمعة ختام الصوم حتى العيد ؟؟؟؟
ازم نقدم ذبيحة التضحية من أجل الآخرين في الفترة القادمة
و ليس إننا نروح الكنيسة فقط
و وجود المسيح داخلنا و معنا و حوالينا هو الذبيحة الحقيقية في هذه الفترة
لا تحزنوا