من ام لثلاثة الى المسؤولين “بيقولولنا انتو بتدوا العذراء؟؟! بيزنس الكنيسة اخرته ايه؟!
من ام لثلاثة الى المسؤولين “بيقولولنا انتو بتلوا العذراء؟؟!
بيزنس الكنيسة اخرته ايه؟!
مساء الخير
انتو صفحه محترمه جدا
معلش ممكن تتكلموا عن الموضوع ده
من فضلك من غير اسم
انا ام لثلاثه ابناء والحمد لله انا بشتغل وجوزى بيشتغل مكفيين بيتنا بالعافيه نشكر ربنا على كل حال . عندى مشكله فى الكنيسه ايلى انا تبعها . كل الخدمات ايلى فى الكنيسه بفلوس مفيش حاجه خالص ببلاش . مع ان المسيح قال مجانا اخذتم مجانا اعطوا . عندنا خدمه مدرسه الالحان لتحفيط الالحان والكنسيات الاشتراك ب 200ج للفرد . يعنى دفعت 600ج علشان ادخل الثلاثه . الرحلات غاليه انا اقصد فى مدارس الاحد علشان الاولاد انا مش بطلع رحلات علشان غاليه جدا حاليا فى سمر سكول ب600ج للطفل وفى انشطه كتير علشان الصيف للاسف انا مش بقدر اخلى عيالى يشتركو فى اى حاجه معندناش حاجه ببلاش غير مدارس الاحد . القربانه ايلى بيجبها العيل يوم الجمعه ياكلها ب 10 جنيه حرفيا كل حاجه فى الكنيسه غاليه . ولما نتكلم الرد بيكون انتى بتدى للعذرا . انا مش عرفه هل كل الكنايس كده . وايه الحل . معلش طولت عليكم